【利玛窦】与王梓轩首度合作舞台剧　陈洁仪每日都有靓仔睇

陈洁仪（Kit）与王梓轩最近一段时间也忙著由他们主演的舞台剧《利玛窦》的采排，二人今天（25日）一同出席慈善活动，Kit直言今天是难得的放假天：“最近成日都见面，但好开心，每日都有靓仔睇，不过对我嚟讲做音乐剧最开心系可以同时做我几样最钟意嘅事，分别系唱歌同演戏，最令我兴奋系临场感。”

Kit更大赞梓轩是一个很醒目的人：“梓轩好多事情都好醒，我之前有听佢唱歌，但冇现场听，同埋佢音域好广，佢仲有好多表达方式，所以佢下次演唱会要请我。”梓轩在旁一直不说话，他事后解释Kit说在赞他时不要说话。

虽然Kit大赞梓轩是一个很醒目的人，但也常常唠叨梓轩，全因为他太贪玩，梓轩听到笑言：“我比较钟意同团队玩，因为团队好团结一致，不分你我，剧中虽然好多前辈，但都有好多啱啱毕业嘅训练生，我哋会一齐玩同研究剧本，最正系会互相补位，因为我哋忙紧，佢话会帮我哋记住采排位置。”