关之琳减肥唔节食靠做运动　“食得清淡冇人生乐趣”

“肥”这个字眼好难联想到同大美人关之琳(Gigi)有关，不过她最近的确被人话肥，甚至要进行疯狂式减肥法。她出席爱滋病研究基金会慈善筹款晚宴，身穿一身华丽晚装登场的她，举手投足都散发高贵气质，望落去根本就唔肥。

原来因为新年食得多关系，关之琳的体重的确上升不少，搞到她都有少少唔开心。被问到减的过程中辛不辛苦，她就认为是人生使命：“呢个冇办法啦！系我一世嘅使命嚟嘅。贪靓一定要减肥，保持著一个好嘅身形系好开心嘅。”

好多女星为了减肥可以去到好尽，但关之琳的减肥方式就相对地正常许多：“对于食方面我唔清淡，我只会搏命去做运动，我觉得做咁多运动都系为食啫，如果食得清淡就冇人生乐趣。我亦唔会话有咩戒囗嘅，如果真系戒口夜晚就唔会食饭，其他全部都食。”见到Gigi现在咁fit就知有效果啦！

喜欢运动的她亦表示自己只喜欢跑步，其他比较静态的运动她是不喜欢的。另外，有指Gigi减肥是为了一段新恋情，对此她就坚决表示不是，再三强调减肥是她一生的使命。