誓要学杨紫琼做打女 陈雅诗：佢打得好有霸气 系我偶像
撰文： 吴子生
出版：更新：
陈雅诗(Bonnie)今日（22/3）亮相尖沙咀举行的《港生活·港享受之游艇主义》记者会。Bonnie表示自己好喜欢一大班朋友出河游船河：“自己本身好容易晕船浪，所以每次出海前都要食定晕浪丸，虽然自己都好钟意游艇，我谂要做多几年嘢先，希望公司畀多啲嘢我做，到时储多啲钱先再考虑。”
Bonnie凭无线剧集《荷里活有个大佬千》中，饰演芬芳一角演技大获好评，备受视迷关注。Bonnie开心话：“拍呢套戏真系过足戏瘾，自己好钟意演戏，咁所以希望多啲机会再去演戏，我近来学梗打拳，如果日后有打女角色，我谂都几好玩，咁所以我好想尝试新嘅挑战，好似杨紫琼咁，佢一打起上嚟系好有霸气，咁所以我觉得佢好犀利，佢系我偶像嚟。”