【抖音】28岁内地男网红用牙膏画画　一熄灯震撼2300万网民

最近喺非常之受欢迎嘅网上直播平台《抖音》（内地版）又孕育咗一位直播神人，每条片都起码有6位数字嘅浏览次数，而粉丝数目亦超过60万，其中一幅仲超过2300万！到底呢位嚟自大连嘅90后李益达有咩咁利害？

“牙膏画”熄灯一刻瞬间变化

李益达本身从事金融行业，最近不断咁用牙膏作颜料喺厕所块镜度画画，现时已超过160件“牙膏画”。其实以牙膏作为颜料喺块镜上面画画，系要熄灯先睇得到！因为个原理就系要厕所全黑，透过厕所门外嘅光折射落镜面反射出嚟先会见到画作成品，所以李益达每次拍片都会影住闩灯的一刻，见到镜上嘅牙膏喺熄灯一刻瞬间嘅变化，每次都震撼数十万网民！而李益达以“知名人士”为主题，画过周星驰、李小龙、迪丽热巴、NBA球星高比拜仁等，所有都为肖为妙，而且李益达仲会回应网友嘅要求添！