【福尔摩师奶】控制成本仲容易 监制方骏钊：最难系谂想讲咩故事
撰文： 林通贤
出版：更新：
《福尔摩师奶》监制方骏钊应该系老板眼中的完美打工仔，《降魔的》《跳跃生命线》都是其作品，收视口碑有齐，最重要是成本控制得好，平、靓、正合乎无线大原则，他说：“喺无线拍嘢咁耐，大家都知有几多钱用，有几多咪驶多几啰，哈哈哈....”，要在大机构生存，首先要令老板满意，但最难的是雄心没有磨灭，“如果情况许何下，都想拉贴返港剧同其他国家嘅水平。”
共鸣感重要过大场面
方骏钊行内人称他为“嘟嘟”，外表平易近人，在无线工作了２９年，由助理编导入行做到监制，深明无线玩法，控制成本已不是问题，方骏钊觉得最困难是剧本前期，“Budget控制唔会系一个问题，反而系想讲咩故仔嘅第一步系最难，香港观众，我嘅观察佢哋想喺港剧揾到共鸣感，熟悉嘅人同事，反而唔系追求场面，收视压力？我真系冇，如果收视差研究下咩事？如果好又睇下咩原因，公司亦都真系冇俾压力。”
善用资源再提升质素
静静起革命或许是他的策略，他的作品《降魔的》《跳跃生命线》甚至播放中的《福尔摩师奶》都非无线典型剧集，但三套同一特点是制作费经济，他说：“呢个环境俾我嘅资源做到最多嘅嘢，呢个系我职责，咁之后嘅bonus系改善到个质素，公司配合到咪试下啰，港剧同其他国家嘅剧集嘅最大分野系画面上，但公司都慢慢追紧上嚟。”其他监制可能喜欢无限制作费，画面要去到世界级，但方骏钊更著重人物，故事的细致，他喜欢美剧《Barry》“故事好简单，但每个人物都好细致，剧本紧密，几值得我哋去学习。”