强势打造新一辑《英雄本色》 宋本中：将香港电影精神发扬光大

亚视重头网剧《英雄本色》今日（19/3）在香港国际影视展举行发布记者会，宣布由红爆网剧《反黑》导演宋本中执导：“其实我哋由9个月前已经开始构思呢样嘢，因为《英雄本色》系我心目中最喜欢嘅电影，入面每一位前辈都系我偶像，咁所以我太大压力，而我本身《反黑》𠮶边都好大阵容，但我又好情义结《英雄本色》，咁所以之前我谂唔到剧本，而我最近又谂到剧本㖞，最头痛系点样揾到人去顶替戏中里面最经典人物呢，最终我哋就做到啦，喺我上一部作品中做正派𠮶几个。”

此外，导演宋本中强调翻拍《英雄本色》嘅目的是要薪火相传，唔系来拯救亚视：“亚视依家都转型搞网剧，佢哋系全新嘅亚视，我哋拍呢套戏唔系要叻过上一套，好似发哥讲嘅一样，唔系要话畀人听我哋有几咁叻，有几咁威，想话畀人听香港电影工业唔见咗嘅嘢，我哋要自己攞返，发扬光大，将香港电影精神及呢套电影嘅核心价值，去话畀新一代年青人听，呢样就系香港电影嘅辉煌。”