网民严选十大打斗场口 甄子丹：好多谢观众畀面睇我
撰文： 吴子生
出版：更新：
甄子丹（丹爷）出席在湾仔举行的《东方影业周年晚宴》。曾参演多部武打电影，让观众留下深刻印象，闻名国际人称为宇宙最强的甄子丹，近日有网民发文讨论丹爷最强十大武打场面，最经典先有《杀破狼》同吴京打到飞起，后再同重量级拳王泰臣对打，真系令观众睇到目定口呆，赞叹不已。
丹爷谦厚表示：“其实唔系我好劲，全部都系电影塑造出嚟，真系好多谢观众畀面睇我嘅电影，呢啲电影都拍咗好耐，有啲成为观众选择之一，其实电影都系一个梦幻世界嚟嘅，虽然我由细到大都好钟意功夫，自己都钻研咗功夫都好耐，所以喺电影嘅风格都好追求好真实嘅一面，宇宙最强都系大家畀面啫。”
大家绝对感受到丹爷喺电影上付出嘅努力，无论在每一场打斗戏中都力求真实完美，往往亲身上阵不用替身，有时候因为咁而受伤，网民睇见都心痛，好怕丹爷唔知可以打到几时。丹爷笑言：“我依家都仲Ok嘅，我都仲有Keep住，我觉得一个人最强大唔系一个体能上嘅极限，而系心态上精神上嘅极限，所以我依家都仲得嘅。”（可以顶得几多年？）“顶到我觉得冇乜创作咪休息，我作为一个武打演员，唔系净喺睇体能上而系要睇埋演技上都要提升，所以同时要演到观众钟意睇嘅嘢。”