【黄金有罪】亲身上阵拍跳楼戏　洪永城：曾幻想过做动作演员

洪永城（Tony）今日（18/3）出席在香港国际影视展举行的“TVB Anywhere剑指东南亚发布会”。Tony表示虽然公司全面进军东南亚市场，但自己对于越南话及泰文就一窍不通：“我希望公司将来拓展埋北韩，因为韩文我就唔错嘅，话唔定我去北韩登台或拍连续剧会有帮助，顺便我想探我好朋友阿金仔，因为我好挂住佢。”

Tony早前拍摄无线剧集《黄金有罪》跳楼戏时，亲身上阵从二楼高簷蓬顶揽住陈滢跳下，可谓有惊无险：“其实我哋嘅武指都有做足安全措施，另一令我担心嘅系怕整亲我哋嘅宅男女神陈滢，跳𠮶一刻要保护住佢个样呀，自己掴花块面都唔紧要，所以揽到佢实一实。（有冇谂过做动作演员？）以前我细细个时候，好钟意模仿李小龙喺屋企度打功夫，我仲记得细个时攞过啲小食肠仔当双截棍咁打功夫，曾经有幻想过以动作发展娱乐圈，哈哈。”