回归无线拍新剧贺出道20年　林峰：同睇住我大嘅旧同事工作好开心

林峰自从2014年离开无线往外闯之后，就加盟英皇娱乐，继续歌影视三栖发展，他之前亦有成立自己的工作室，而经理人合约就签了古天乐旗下的天高娱乐。昔日在TVB拍了不少经典剧集的林峰，让一众剧迷同网民留下了深刻的回忆，至今依然好怀念。事隔5年后的今日，踏入2019的春天，TVB就举行了记者会，隆重宣布林峰正式回巢，大家又可以再于TVB上睇到林峰的演出喇，系新作而唔系重播呀。

林峰今次重返娘家拍剧，但经理人合约则依旧是天高娱乐，与佘诗曼、宣萱同门。他表示回归TVB这个决定其实并不突然，他说：“呢5年一路都有同TVB嘅旧同事食饭倾偈，佢哋都有问我几时返嚟呀，我主要睇下个project系点，同埋机缘巧合。希望同睇住我大嘅同事再次工作，我好开心。”他又透露在音乐路上已有好多工作大计：“Plan紧出年举行我入行20周年演唱会，会系大型嘅内地巡回演出，嚟紧5月我会喺澳门举行演唱会做Warm Up（热身），内地都会举行几场，因为我已经两年无踏足过舞台，要Warm Up下。我哋亦都准备入纸红馆，为出年嘅个唱筹备！”

一齐重温林峰啲经典剧集嘅演出，同埋佢重返娘家记者会嘅靓相。