林海峰开骚金句撑本土：我哋身处一个唔正常嘅年代

DJ林海峰（Jan）昨晚于红馆举行一连六场“林海峰是但噏广东话”，获财政司司长曾俊华、商业电台首席智囊陈志云，商台前高层俞琤、Eric Kwok及太太叶佩雯、郑欣宜、黄耀明、彭秀慧及JW王灏儿等棒场。

Talk Show开宗名义讲广东话，连舞台设计都充满地道风味，有港味浓的茶餐厅，又有贴满招租卖的吉舖，身为唱片骑师Jan甫开场就为广东歌护航，更乘机大Sell自己新歌《广东歌》，自爆有朋友爆粗力撑新歌听到喊。

十年来开过六场骚，由伊馆开到红馆的Jan亦绝非闲等之辈，Talk Show内容由广东话、广东歌、民间特首、游行占领，讲到内地自由行随地便溺、内地音乐节目的虚伪观众，在最本土的开骚殿堂红馆，发放最本土的金句。

金句节录：

捍卫广东话

“若果广东话要消失嘅话，我就系第二个要消失嘅，呢件事系冲住我而来，我系最大嘅受害者呀！”

“我会成立一个广东话苦主大联盟，我做主席！”

“印尼、菲律宾依啲都讲紧普通话，冇办法架，普教中丫嘛，然后啲家长就带头消灭广东话，仲有啲K-pop啊，我觉得广东话就好似北极啲冰咁慢慢溶化。”

民间特首：

“黎明可以成为民间特首，系因为佢嘅4D演唱会取消咗，通常取消都俾人闹到爆，但有咩艺人有咩表演系冇做嘅反应好过做？即系唔做好过做…但最重要系佢个演唱会取消之后，仲同大家讲对唔住，再加多句我爱你。”

守护本土：

“因为我哋身处喺一个唔正常嘅年代，所以当有少少‘正常’嘅嘢，我哋就会好感动。”

“香港人做足反应啦，行又行过出街，瞓又瞓过马路喇，我哋嘅反应有冇存在意义？最紧要系咩？系有冇镜头take你，镜头take你反应先至有意思，亦即系话，有冇人睇你台戏。”

“当一个人话‘呢度系边度嚟㗎！’即系话，呢度已经唔系‘边度’...有人话，‘呢个机场嚟㗎!’即系有人唔当佢系一个机场，当咗自己屋企，叫阿四帮你攞行李。”

身为两女之父的Jan亦有关心子女的功课压力问题，更抵死地二次创作《般若波罗蜜多心经》，讽刺家长的教育方式：“识即系识，唔识就系唔识，A即系B，B即系C，肥佬又唔会做乞儿嘅。”令观众拍烂手掌。

除了Jan即场演绎新歌《我顶》和《今天我》，好拍档葛民辉更压轴出场，两人合体成“高山青龙”登场，齐齐唱出经过二次创作的《抗战二十年》和《喜气洋洋》，不过刚讽刺完K-pop的Jan又以韩国组合的衣著打扮现身，又献唱BigBang 的经典作品，有点自打嘴巴的感觉。