张卫健自爆暗黑童年　在父亲虐打中成长：7岁就谂几时会畀佢打死

早前凭住无线剧集《大帅哥》再度人气爆升的张卫健 (Dicky)，近日到了香港一所中学进行分享会，以“Passion”为主题大谈自己人生中的种种想法与经历。他重提昔日由高位跌落谷底，无工开穷到㶶霉到喊的日子，曾经一年无工开，感到十分徬徨。他说：“我用咗一年时间去谂，如何咸鱼翻生？每日都谂，日夜都谂。答案系：你无得翻生㗎喇，张生。”他又忆述小时候被父亲虐打的往事，试过被父亲打到几乎窒息，7、8岁时已在想自己何时会被打死，怀疑父亲有躁狂症。Dicky还自爆自己在情路上的连番挫败，当年事业低谷时，身边女友总是会离他而去。

Dicky表示：“喺爱情方面，好多时候我都系扮演被分手嘅角色。真系你唔信呢！靓仔如我，只能够讲佢哋唔识货，哈哈，讲笑啫！”他当年因为剧集《龙兄鼠弟》收视差，即由一线小生惨变弃将，之后他拍戏跌断了手，要入医院接受一个全身麻醉的手术，谁知他苏醒后，到来探望他的圈外女友第一句对他说的话，竟然是提出分手，Dicky说：“佢话‘不如我哋分手，我唔想继续同你拍拖，将来嫁俾你之后，我唔想买个LV要等半年啰。’呢个就系佢个分手原因。”被前度嫌穷而惨遭分手，原来他并不止一次。

Dicky继续自爆说：“试过有另一位女朋友同我讲分手，都系差唔多内容啦！佢话‘唔系要嫁一个好有钱嘅老公，但你而家连自己都未养得起，连屋企都未养得起，如果我同你结婚，你点样养我哋嘅家庭呢？’所以喺我事业低谷嘅时候，我可以话俾大家听，我身边完全无一个异性朋友、伴侣去支持我。”他并未有透露所讲的这位旧爱是圈内还是圈外人。Dicky曾与初恋女友江欣燕拍拖5年，最后女方提出分手，他又曾与宣萱拍拖两年，因性格不合和平分手，未知当中可有一位是他今次所提及的前度呢。

而他仍是新人未挨出头的时候，就曾经穷到连TVB Canteen的碟头饭都食唔起，餐餐要靠賖数度日：“我真系无钱，于是我就去公司餐厅食完之后埋去柜台俾钱，就话哎吔，唔记得带银包啊！可能留咗喺化妆间，但赶住开厂，点算好呢？然后对方就会话：‘得啦得啦！’𠮶位叫马老板，佢会话得啦得啦听日先啦！”直到马老板叫他不要再做戏了，让他继续賖数，因对方睇好他将会必有所成，叫他到时才还钱。Dicky之后当然有去还钱，不过已经无缘再见到马老板亲口多谢对方。他又再次感激刘德华这位恩人当年签他到旗下。

一齐重温下Dicky喺分享会上嘅情况，以及佢人生路上唔同阶段嘅靓相。