【美女厨房】黎纪君自资50万开蛋糕店：赚钱唔系最大梦想

俗语说：入得厨房，出得厅堂，即是形容女生除了样子出众，亦煮得一手拿手小菜。2015年第四代“邦民女”黎纪君（Christy Lai）在新一辑《美女厨房》节目中，以厨师身份出现，令不少网民感到惊讶。原来这位今年才25岁的女生如今已是一间蛋糕烘焙店的老板，她接受《香港01》访问时说：“最初去台北学翻糖蛋糕，其实当时只系当兴趣班咁上，后来过咗个几月时间，谂好咗个概念同运作，先决定开舖。”

开蛋糕店为事业另开辟新道路问到开店做老板的原因，她笑言：“只系开喺观塘工厦区嘅Workshop。你知模特儿呢一行本来就系比较被动，自己努力之外都要靠别人欣赏你，先可以拥有𠮶个机会，所以与其喺度等机会，不如自己都闯一番事业，最起码所有决定都系自己控制，又可以主动啲揾合作机会。”她透露，当初创业大概用了50万（牌照、装修等），而每月租金又需要2万左右。“使几钱暂时好难衡量，要视乎系咩类型嘅堂，蛋糕堂会比较多使费，饼干类就会少啲。而家都系啱啱起步，我希望做好自己品牌，多啲人认识‘Sugar Please’，所以都唔会太计较每个月使咗几钱，尽量做到收支平衡就得啦。”

一个月收入超过6位数收支平衡，是否就代表著“有少少钱赚”呢？她回答说：“赚钱唔系我最大嘅梦想！做蛋糕同埋甜品令大家开心先系。不过我都好幸运，每个月Workshop收入都几好，都有额外收获。”这个“额外收获”有多少？她笑说：“哈，揾几多系秘密，可以讲嘅系每个月收入有6位中上数字。”同时她也表示，以每日做两至三个蛋糕的进度来说，生意尚算不错。“我哋公司系断层计，一层蛋糕大概$800至$1600左右，视乎款式难度而定。客人有特别要求，我们也会亲力亲为设计同埋整，每个都系自己亲手做㗎。”

走“少女风”吸引客人现在市面上有很多同类型的烘焙店，会用甚么甚么方法突围？她说：“我个Shop都系粉红色嘅，所以蛋糕作品也会偏向少女风，好多人买完下次都会继续揾我哋。同埋每个蛋糕都唔会一样，呢个都系我点解咁钟意（整蛋糕）嘅原因，因为感觉每次都系接受紧唔同嘅挑战，完成每一个作品，又会谂下次有乜可以改进，做出嚟好成功嘅话，满足感都好大㗎！”

Christy整嘅翻糖蛋糕个个都好靓！

做蛋糕训练自己耐性关于在香港开蛋糕烘焙店或整蛋糕的难处，她说：“香港天气其实做蛋糕嘅恶梦，因为天气实在太潮湿，尤其系整翻糖，如果太潮湿嘅话就会好难存放，作品也是。同埋整翻糖蛋糕要好有耐心，对以前嘅我嚟讲，成日无时停，可能会比较难，但系下了决心开蛋糕店后，我个心都稳定咗好多。而家安安静静坐底，用几个钟内完成一个大型蛋糕都已经冇问题啦。”