董敏莉爱女百日宴狂收利市金器成小富婆：留畀佢做嫁妆
撰文： 洪晓璇
出版：更新：
星B轮住出世，佢地亦陆续举行百日宴同亲友分享喜悦。董敏莉（Monie）荣升妈咪之后，一直专心凑女，日前帮爱囡庄子子（Martha）搅百日宴，别出心裁以PIZZA派对作主题。Monie就话囡囡系包包面，所以举行Pizza派对就啱晒啦﹗“其实都系家人食饭，大家都系志在见吓子子，佢呢晚表现都唔差，比陌生人抱都冇乍型，睇黎佢遗传咗我外向的性格。”
为人父母经常会情不自禁上载宝贝靓相，Monie都不时同大家开心SHARE，不过就成日笑爱女生得似男仔，所以Monie在百日派对上，谂住帮子子带番个喱士头饰，可惜囡囡似乎唔钟意，几经挣扎自行脱掉：“其实佢一百日人仔，都已经好有性格，唔钟意都逼佢唔到！可能佢好贪靓，觉得今日造型唔多衬，睇黎爸爸要努力揾钱比我地买衫Shopping，满足我地两母女购物欲喇。”
Monie 仲大爆爱女成为“小富婆”，将利市储起留待做“嫁妆”：“我同老公都讲咗大家不要做礼和送礼物，不过大家好疼锡子子，当中还有不少首饰，会好好收藏，希望子子将来金银满屋喇，到时我抱孙比佢一代传一代！不过我都唔敢谂太多，依家已经觉得佢大得好快，有啲唔舍得啦。”