【专访】叹息香港搞音乐节困难重重　何超仪：澳门可能仲好！

何超仪组成乐队Josie & The Uni Boys近十年， 每年也会参与大大小小的音乐节，就连Wow and flutter也曾邀请他们作嘉宾。近年他们更自行大搞音乐会，就如去年的《We Go Berzerka Explode into life》，以及即将于4月6日举行的《The Classic Purple Psycho Experience》。每一次的音乐会也充满实验性，革命似的把不同元素放进摇滚的主轴内。

向Massive Attack睇齐　大玩AI视觉实验

去年与视觉导演John Wong首次合作，何超近乎有种上瘾的执迷：“当时我完骚已经即刻拉住导演同佢讲，不如再合作多次。”顺理成章，跨界创意人John Wong便再度成为今次《The Classic Purple Psycho Experience》的视觉导演。

提起今次音乐会的其中一大卖点，二人皆表示：“其实今次唔止系一个音乐会，更加系视觉同听觉嘅共同体验，我哋好重视体验方面，所以今次亦用咗一种较新嘅技术。”他们口中的技术名叫GAN (Generative Adversarial Network)，由人工智能生成多幅疑幻似真的视觉艺术作品：“我哋将上万张有关香港景观嘅相片畀个AI学习，之后佢哋就可以根据学习返嚟嘅讯息，生成唔同嘅艺术作品。”

这个技术其实大有来头，去年就有一个艺术拍卖会，把法国一个艺术团体用GAN技术生成的画作，以三百多万的价格成功拍卖。而今年Massive Attack的演唱会亦是用同类型的人工智能去制作影像，甚至连时装界的摄影大师Nick Knight亦有用这种技术去重新生产一批影像。John Wong表示：“证明我哋已经进入咗人类同电脑共同创作嘅时代，今次系香港第一次用GAN技术创作视觉效果，我想令大家知道，外国做到嘅嘢，香港人都得。”

点击大图观看更多以GAN技术生成嘅艺术作品

最难忘张北音乐节　何超仪：越混乱越正！

话题回归音乐，对于Josie & The Uni Boys，何超仪用简单一句说话概括：“凡系有得去音乐节，我哋队band嘅梦就可以发落去。”看似轻松的一句说话，却盛载著满满的期望，真正让何超仪启蒙并爱上音乐节的经验，要从台湾的贡寮音乐祭开始说起。

每年台湾的贡寮也会举行最大型的贡寮音乐祭，邀请知名摇滚队伍之余，亦会发掘不少地下音乐单位。何超忆述：“我们第一次去台湾嘅贡寮音乐祭，音乐节嘅地点喺沙滩，旁边围住一啲矮山。当我哋架车上到山坡，经理人就叫我哋落车睇下个环境系点。当时正进行第一晚演出，然后一睇，成个沙滩都系人。全部人都郁紧，布满成个岛。经理人话，听晚我哋就喺呢度演出，我一听到就哗咗出声。”

除了贡寮音乐祭，张北草原音乐节亦令她非常难忘。何超又道：“去张北音乐节，我哋架车由北京机场出发足足塞咗八个钟，因为地点喺内蒙。我们心谂做咩事呢，个司机同我哋讲，每年张北音乐节一举行，由北京机场去张北𠮶条高速公路必定会塞一星期，郁都唔郁。有人会喺路中心推车卖烤包，因为知道车龙不会郁，而大家都要食嘢。当我哋到埗后，就开始见到有十几万人从会场方向涌出嚟，有啲人喺草地行，有啲知道车龙唔郁就行马路，敲车门问我哋可唔可以上车取暖。你会感受到𠮶种混乱，好正，而香港唔会出现呢种混乱。”

香港系搞音乐节嘅好场地？　何超仪：澳门可能仲好

提到林林总总的音乐节，何超也不禁叹谓：“香港未必系最理想嘅地方。可以尝试向政府申请，好似Clockenflap𠮶类都做得井井有条，但系我哋呢类视觉加听觉嘅体验，最好都唔好太复杂，喺室内搞就比较理想。”皆因视觉导演John Wong心目中的效果，在器材上也较大需求：“户外搞呢类型嘅骚，基建要具备多啲条件。对香港嚟讲，技术上可以做得到，但系问题出于喺市场上，预算再提高嘅时候，系咪有咁大嘅空间畀我哋发挥而且回本呢？因为所有场地器材都要重新搭建。”

何超反建议：“反而澳门可以做得到，每间赌场都兴建咗好厉害嘅剧院，本身已经具备三面全世界最大型嘅LED显示屏，由地面到天花，好似一幅墙，仲可以移动。澳门拥有好多大型表演场地，容纳到三、四万人，比香港嘅场地更加好。”