邓小巧获颁“年度编辑推荐歌手”　新歌《云吞》讲的不只是母爱

邓小巧昨晚（12日）出席首届《KKBOX香港风云榜》，更获颁“年度编辑推荐歌手”一奖，小巧表示好开心，“因为呢个系对我音乐团队嘅一个好大嘅肯定，因为佢哋觉得我嘅歌系值得推荐去俾人听，咁所以我哋成个嘅音乐团队其实都有好大嘅鼓舞。”

《云吞》讲的不只是母爱

小巧于上月推出新歌《云吞》，歌词讲母爱， 她在此再对歌曲作出诠释，“其实《云吞》严格嚟讲，唔系写畀妈咪，系写畀我婆婆，因为我婆婆凑大我，咁婆婆喺我小学嘅时候就成日煮云吞畀我做早餐嘅，呢个系一个充满回忆嘅食物，同埋依家已经食唔返，我都唔知道点煮喇，所以我觉得有机会嘅话，大家要向你哋嘅父母去学返佢哋嘅手艺。”歌中有不少歌词讲的，其实也是对生活的态度，小巧说：“其实呢首歌系除咗讲我哋要好好珍惜我哋嘅家人之外，另外一样野好重要嘅系，其实好多时我哋成长嘅时候，你会越嚟越发现，生活好困难，或者系，细细个阿妈𠮶啲警告呢，其实唔系开玩笑嘅，咁所以系同大家讲，无论你喺出边遇到啲咩，生活有几咁艰难，你返到屋企都有人煮饭俾你食，呢个就系最大嘅幸福。”

拍摄《云吞》MV感动落泪

小巧邀得好戏之人杨诗敏（虾头）拍摄《云吞》MV，她说：“拍个时好感动啊，因为虾头嘅演技好好，咁其实我哋在场嘅所有人都各自有各自眼泪嘅爆点，我系睇到一个位，我系唔敢再望虾头，唔敢再睇佢做，因为我只会越喊对眼越肿，话晒我喺个MV入面都有个两秒嘅镜头嘅。”

飞芬兰十天 开展新歌创作旅程

小巧透露原来活动完毕就要立刻飞往芬兰工作十天，她表示：“系同当地嘅音乐制作人去写几首歌返嚟，咁个行程都好赶，因为要曲、词、编、监、唱都要喺𠮶度完成大部分，返嚟先做后期，仲要拍埋MV，所以成个行程系好紧密嘅。（系所有嘢都由零开始咁喺𠮶边创作？）由零㗎，所以系会写一首咩歌咩歌词出嚟，系唔知㗎，大家拍MV系唔知，做咩都唔知，但我觉得呢个‘唔知’系一件好好玩嘅事。”