谢安琪演唱时耳机失灵：我喺后台度喊

谢安琪（Kay）昨晚（12日）出席首届《KKBOX香港风云榜活动》，Kay担任“风云大使”，并与Supper Moment在台上合唱歌曲，但期间Kay的耳机失灵，对此她说：“其实今日个表演都好难忘啊，个耳机由一开始都好大干扰，干扰到我连band leader嘅声都听唔到，我就好徬徨。咁我唯有听现场嘅声，我听到音乐，先追住入啰。我由第一只歌已经好紧张，我由第一只开始个心入面猛咁喺度祈祷，希望耳机快啲有返声，所以今日个演出好难忘啊。”

Kay坦言对此有点不开心，更在后台落泪，她说：“因为我个演出好长，我唱成五首歌，所以我由第一首歌咁，我就好担心喇。其实我唱完第一首歌之后就到Supper Moment嘅，咁佢哋唱紧嘅时候，我就系咁喺度同技术人员讲，佢哋都好畀心机帮忙嘅，咁但系一路都未处理好呢个问题，咁我急起上嚟，我就喺后台度喊啦，我都未试过发生件咁嘅事嘅，咁大家见到我喊呢，又再紧张啲啦，我睇住佢哋全部标晒汗呢，但系无人解决到𠮶个问题。”

Kay同时感谢Sunny帮忙，“佢知道我好徬徨，佢特登企到好近嘅，大家唔知嘅话以为我哋做咩咁热情。其实就唔系，系因为听唔到，佢要企到好近，俾我睇到佢唱到边度啊。”Kay又说：“今日真系好多状况，我连弹琴嘅时候，个咪枝mic stand都有问题，个咪系一路跌紧嘅，又有两个工作人员跑出嚟帮我。”

提到今天（13日）是Kay的42岁生日，她表示：“我生日就好简单，本来无生日愿望，我依家有喇，我希望今呢就工作顺利，我以后出场，咪同耳机都生生性性，我嘅愿望好卑微，希望呢个愿望可以真系实现喇，今年一切顺利啦！”被问到老公张继聪有没有送生日礼物给她，她说：“我其实成日都叫大家唔好准备礼物俾我，因为我个人好麻烦㗎，唔系咁容易买礼物俾我嘅，咁所以我成日都话礼物可免则免啦，我觉得一个人佢付出嘅时间，佢点样对你啊，咁系仲紧要啲嘅。咁所以，其实平日对我好都够㗎喇。”