苏永康演唱会6月举行 黄子华陈奕迅做嘉宾后台帮手凑仔
撰文： 吴子生
出版：更新：
苏永康《All That Jazz (&Pop)》演唱会2019今日在香港仔举行记者会，宣布今年6月21、22日于香港红磡体育馆举行。黄子华今日更现身站台支持好友苏永康（阿公）：“阿公相隔8年再开演唱会，请埋中乐团成队军队咁，玩埋中西合璧，成个台啲人加埋成90几人，企都冇地方企，成个 Music show软件仲多过硬件。”
阿公笑言：“平时啲Show请嘉宾会容易啲，因为今次同广州中乐团合作都成86人，佢哋未必随时起得到歌，因为佢哋要睇谱，所以会有少少困难，不过到时都会有嘉宾上台，其实我个人都几贪心，好少会请重复嘅嘉宾嘅，本身我有合唱歌，我会邀请一啲年轻嘅歌手合唱，唱一啲佢都可能未听过嘅歌曲，例如有《从不喜欢孤单一个》又或者《来日方长》，睇下到时会唔会擦出一啲新火花。”