刘诗诗宣布怀孕后首公开近照 吴奇隆包场为大肚爱妻庆生
撰文： 洪晓璇
出版：更新：
吴奇隆刘诗诗2015年于峇里举行盛大婚礼，过足4年二人世界，早前公开承认有孕，目前大约陀B七个多月，即将迎来爱情结晶品。刘诗诗神隐多时，3月10号32岁生日，终于再次更新微博晒出近照，而老公吴奇隆仲为佢送上生日惊喜，非常恩爱呀﹗
+9
刘诗诗近期正在专心待产，已经好一段时间无露面，10号生日当日大批网友送上祝福，佢喺11点几于微博留言表示：“祝福收到，谢谢大家。”更附上一张近照，系佢承认怀孕后首度晒出新相。相片中见到刘诗诗拎住手机影面前嘅几个公仔，唔知系咪佢嘅生日礼物呢？而网友就聚焦喺呢位准妈妈嘅身型，虽然背对镜头，都见到佢孕肚微微隆起，手脚依旧非常纤幼，真系得天独厚呀﹗
婚后佢地两个甚少于网上放闪。唔知系咪见到老婆陀B辛苦，吴奇隆今年喺诗诗生日，搭正12点01分，喺微博晒出心型烟火照。网上罕有放闪，原来仲有实际行动，台北知名火锅店老板上载同吴奇隆嘅合照，并晒出吴奇隆及刘诗诗的签名留言话：“包场庆生会圆满成功﹗而且吴太太好美。”唔少艺人好似罗志祥、蔡康永、林志玲等都经常帮衬，大肚婆本身有好多食物要戒口，火锅可以点选喜欢食物又全部煮熟透，吴奇隆果然好贴心呀﹗
+5