【妻子的浪漫旅行】张智霖经常“给人家幻想空间”　袁咏仪嬲到爆

袁咏仪（靓靓）同张智霖（Chilam）结婚18年以来一直恩爱，二人近日更齐齐参与内地综艺《妻子的浪漫旅行2》，之不过，由于旅行部分系由靓靓、谢娜、章子怡、包文婧、张嘉倪进行，没有老公的日子，靓靓大感不惯，最后泪洒当场，令观众罕见袁咏仪小女人嘅一面。

而喺最新一集中，袁咏仪提到当年同张智霖时，身边好友喺一次饭局上与周润发夫妇同台，席上，发嫂透过朋友向袁咏仪作出温提：“这个男的靠不靠谱？长得那么帅。你叫她小心一点。”袁咏仪表示当年身边唔少朋友都唔喜欢甚至怀疑张智霖，原系系佢外表睇落花心，而二人亦曾因为绯闻而吵架。“他当时问‘我一点安全感都给不了你吗？’，他这样骂了令我觉得好像是我不对，但到了第二天，我说‘安全感应该是你给我，并不是我相不相信你。’”靓靓指二人交往多年，虽然唔可以话无问题，但都叫顺利，而身边嘅朋友喺接触过张智霖后，亦都开始喜欢他。
 

靓靓又提到每次有绯闻传出时，虽然知道唔系真，但由于记者都一定会揾佢问回应，所以感到十分烦厌，她更直指张智霖“不是给人家机会，是给人家幻想空间”对于“机会”呢样嘢，身为人妻嘅章子怡亦都十分认同，更透露不时都会叮嘱老公汪峰唔好创造误会嘅机会，就连微信都唔可以乱加好友。听到两位老婆大婆嘅“机会论”，汪峰就苦笑住咁话：“连幻想都不让了，太狠了！”，而张智霖就不停咁摇头叹气，非常好笑。其实靓靓之前喺节目都有提过曾经有女星唔只煲汤，仲买埋被铺送比张智霖，虽已系旧事一则，但靓靓每次提起都非常火滚。而喺节目尾声，张智霖认为同袁咏仪嘅相遇，既系幸运亦都系不幸，“幸运就是能碰到她，不幸就是知道我们的相遇，始终会有分开的一天，人始终会老去、会死，要先走或后走，不由你作主的。”张智霖更认为开心嘅时候要留返一点空间，留待悲伤时用。“我们已经非常幸福，没有什么太多要求。”如此深情告白，除咗打动老婆之外，亦令唔少网民大叫感动。