【女儿们的恋爱】Selina差一点点捉紧幸福　意中男出走原因好心酸

最近喺综艺节目《女儿们的恋爱》与Selina(任家萱)组成CP嘅台湾男星张轩睿，虽然二人相差11岁，但由于男方贴心又细心，令Selina每次约会之后，都带著微笑入睡。而喺最新一集，正当二人准备约会之际，张轩睿因突然收到医院嘅病危通知而要中途离开，而就系张轩睿赶到医院不久，奶奶就过世了，Selina心痛之余亦难掩失落，讲到每次都“差一点点”时更忍不住落泪，而Selina爸爸亦指爱女每次在幸福前总有意外发生，为此感到十分心疼。

节目中，Seline嘅爸爸虽然不时提到二人年龄差距甚大，但又忍唔住大赞张轩睿系孝子，唔少地方都令佢十分满意。现年26岁嘅张轩睿喺入行前，因为爸爸患上肝病而决定捐肝，手术后，张轩睿痛到连气都抖唔到，除靠吗啡减轻痛楚外，又要靠镇定剂先可以入睡。原来要休养半年以上，结果当时仲系新人嘅佢由于得到了难得嘅拍摄机会，所以手术后三个礼拜佢就飞到内地工作。

张轩睿曾访问中透露捐出45％肝，身体机能大大改变，再加上胆都切埋，所以唔可以食得太过油腻，但偏偏喺内地拍摄时“都是卖炸的，吃也不是、不吃也不是，很无助”，虽然剧组知张轩睿刚做完手术，但开工第一日就已经通宵，四个月嘅拍摄令张轩睿甚为痛苦，但佢就话过“当时真的很想把握这机会，所以也没有什么好后悔。一切都是命运的安排啦！”由于捐肝嘅关系，令张轩睿比较易攰，至今开刀范围嘅肌肉亦无乜知觉。