【福尔摩师奶】江嘉敏被剧组笑似男人扮女人：我都唔嗲嘅！

江嘉敏昨日（3日）出席TVB剧集《福尔摩师奶》宣传活动，首次拍民初剧的她大爆自己初时被监制嫌弃太浮夸：“本身我个人讲嘢比较大声啲、似男仔啲，行步路都大步过人，所以拍民初剧个阵谂，我讲嘢驶唔驶行步路细啲、讲嘢使唔使有啲咩腔调呢？结果我见监制同编审嘅时候，我都专登学习用啲阴声细气啲嘅腔调，点知监制就话千祈唔好用啲咁嘅语气同佢讲嘢！”她知道自己声线经常被观众批评，但她表示会乐于接受不同意见，了解完会好好反省并希望下次能做得更好。

江嘉敏表示自己性格比较男仔头，所以如果要她饰演温柔如水或娇声嗲气的角色就会很不知所措，而她在另一套电视剧《过街英雄》中正正就是做一个非常贪靓的“港女”：“个角色为咗得到自己想要嘅嘢会去嗲啲男仔，呢下真系难！无论系个讲嘢方法，要好多‘唔’、‘咦’呢啲，仲要喺度扭扭拧拧，我好努力做出嚟都系畀剧组笑！佢哋仲要话：‘我未见过男人扮女人㗎！’（怕不怕被网民说自己发姣？）都唔会嘅，系角色需要嚟㗎嘛！唯有揾我个妹练啦，不过佢都话我唔合格！”她笑言自己现实生活中不会对男朋友撒娇：“我都唔嗲嘅！啲女性朋友都话男仔唔嗲唔得㗎，所以我都仲系学习阶段！”