MIRROR望于4月出新歌　姜涛称表妹暂专注学业

男团MIRROR昨日（25日）出席德晋集团春茗活动，队长Lokman透露将会推出一首新歌，并希望能于4月派台，大碟就大概会在年中推出，他说：“嚟紧我哋只大碟就系会有《一秒间》、《ASAP》，咁希望会有两首都系12个人嘅歌，咁其他就会分组，分啲小组，有啲可能2、3个，有啲可能4、5个咁样。”并补充：“我哋会有慢歌，因为之前都系sell我哋系热力澎湃男子跳舞团体，今次我哋都会有抒情歌，嚟紧我哋嘅新歌都会系一首比较慢啲嘅歌。”

被问到MIRROR获邀担任吴业坤个唱嘉宾，感受如何，Edan在旁搞笑地欢呼了一声，Anson Kong补充：“我哋系好开心嘅，因为红馆呢个舞台应该系在座咁多位一个梦寐以求嘅舞台，咁我哋啱啱经历完九展呢个对我哋嚟讲一个咁大嘅舞台，可以咁短时间再上多个大啲嘅舞台，其实我哋系好开心都好感恩嘅。”

《花姐ERROR游》受到观众关注，MIRROR会否想仿效，跟经理人花姐去旅游？MIRROR就要问问花姐的意见，Lokman开玩笑地投诉花姐跟ERROR去但不跟他们去。近期有报导关于姜涛的表妹，他表示表妹对于自己多了人认识感到开心，但暂时还是想先专注学业，暂未有入娱乐圈的打算。