【大老千】因“王晶女儿”身份被挑剔 王子涵：有好评已经足够
撰文： 赵允琳
出版：更新：
王子涵昨日（20日）与一众TVB剧集《荷里活有个大老千》演员，到尖沙咀酒楼吃新春开年饭，她表示“钵仔糕”是自己首次令观众留下深刻印象的角色：“好特别，出到街好似有啲家人、好close嘅朋友叫我‘喂，钵仔糕！’呢个系好开心嘅一件事嚟，好感激可以遇上呢个角色。”
子涵近日因一边食砵仔糕一边爆喊寻找爸爸的一幕，播出后而大受网民赞赏，她直言这场戏是自己整部剧最喜欢的一个场面，并忆述拍摄当时想著爸爸王晶：“好多人话识喊唔代表戏好，𠮶场戏唔系净系一滴眼泪可以几担心揾唔返爸爸，我好想做到一啲深层次啲嘅感觉，虽然理解唔晒，都仲有好多空间畀我发掘。”
由于背负著“王晶女儿”的身份，观众自然对她有更高要求而常常鸡蛋里挑骨头，子涵坦言会到论坛看网民的意见：“当然好多好harsh嘅留言我都有睇过，但系喺呢啲留言之中，我都见到有好评，我觉得已经好足够。”子涵笑称会乐观面对批评，并会从批评中反省自己的演出，努力提升自己，同时亦希望观众可以给她多少少包容：“我第一次担任一个重要一啲嘅角色，大家可以畀多少少空间我，等我有少少改进，我都想做得更好。”