【法证先锋IV】杨潮凯增肥25磅挑战演6岁低智人士：真系好痛苦

不少演员都愿意为角色作出牺牲，增肥减肥更是家常便饭！现年34岁的杨潮凯日前就在IG宣布自己在剧集《法证先锋IV》的角色浩仔正式煞科，并留言：“呢几个月有好朋友问：‘你系咪发咗福呀？你冇事吗？’今日终于可以同大家讲：‘我系发福！但我冇事！我只系为浩仔增肥咗25磅啫。’”他更指这25磅得来不易！

杨潮凯在《法证先锋IV》首次挑战演智商只有6岁的低智人士，他接受《香港01》访问时称：“佢细个嘅时候就俾妈咪送咗返大陆住，之后浩然（黄浩然）就接我返嚟同我阿妈相认，第一场戏就系同我阿妈相见的场口。个角色之后就发现我可能唔系阿妈个仔，呢度唔想穿桥住，等我卖少少关子先。”一向爆肌留须行粗犷型佬味的潮凯更为角色牺牲，拍完旅游节目《3日2夜》后即开始增肥计划：“虽然导演同监制冇要求，但因为我都想个角色后返生少少，所以就自己增加咗25磅。开拍𠮶阵肥咗17，18磅，拍嘅过程再慢慢加到25磅。（增咗几耐先成功？）增咗一个月，但其实出到嚟效果唔算太明显，有肚腩嘅而块面就涨咗少少，但见到自己块面咁都唔系好想影相。”

虽然不太满意自己的发福，但潮凯就称老婆对此十分满意：“老婆又冇担心，反而好开心，因为我可以陪佢食嘢，平时我好多都唔食，但依家肥腻嘢咩都照食，咩都陪佢食，所以好开心。（囡囡有冇唔认得你？）我未至于肥到认唔到，反而剃咗须佢要少少时间适应吓。”

由于天生瘦底，所以这25磅对潮凯的确得来不易，他称：“入行最瘦试过有130磅，去到拍呢个角色之前有145磅。其实增肥难度都大，因为我有Keep开打泰拳同做gym，平时一个礼拜打3日，但𠮶段时间就一个星期打一次，甚至三个礼拜先打一次，打拳系纯粹维持自己的健康。而且平时唔会咁放纵自己食嘢同唔做运动，因为惯咗做运动唔做会好痛苦，同埋见到自己个身体好差，我好明显，所以要食啲supplements，等自己唔好病。”潮凯更称非常乐意为角色改变身形：“最近𠮶套《为副不仁》嘅Christian Bale都为角色增肥，如果角色真系需要我都好乐意咁做，但都要睇吓个角色有冇发挥同有冇需要。”