【渣打马拉松2019】2小时04完成首次半马　袁伟豪：算系咁喇！

袁伟豪（Ben）今日（17日）以2小时04分的成绩完成渣打马拉松半马赛事，首次参加半马，对于今次的表现，阿Ben自认可以：“算系咁喇，一般来计，我相信都唔算太快，亦都未至于好慢。”

跑步途中，阿Ben顺利通过西隧位置，不过之后就有停低一阵补充体力：“其实传说中西隧𠮶边原来都唔系咁难跑嘅，反而出咗西隧，再有一条斜小小嘅天桥，𠮶度就会突然之间慢落嚟，我去到龙和道𠮶边已经开始feel到攰，同埋过咗补给站点，想揾啲香蕉食都揾唔到，咁就一路饮住啲补充饮品跑，基本上去到动物协会附近上桥𠮶度，我系停咗落嚟，想饮埋啲补充品先，差唔多入到去轩尼诗道𠮶段上返少少力，沿途有好多人打气，有少少振奋嘅感觉。”

湾仔停跑饮水　蚀半分钟时间

尽管途中停低导致时间同“Crazy Runner”成员预估的两小时有少少差距，但阿Ben并不觉得有遗憾：“都有望住个时间去跑，但去到19、20公里，我真系有啲攰，𠮶阵差唔多喺龙和道落斜路，睇下表，仲有两公里多啲啲，时间系1个钟头50几，咁我计过条数，我5分零钟1公里应该OK，但无奈都真系……喺我个练习过程里面，今日跑嘅时间我都冇乜点停过，对我嚟讲已经超晒标，只不过去到（湾仔）动物协会嘅天桥我真系停低落嚟，饮埋啖水先再跑，我谂蚀咗半分钟度。”

【渣打马拉松2019】首战半马向陈山聪取经　袁伟豪：好大压力！

见男友如此落力参加比赛，不知道宝儿有无打算下年陪同阿Ben一齐跑呢？“其实佢都有好多跑嘅朋友，但系我嘅话，都要克服一下，因为我觉得喺路面跑系好唔同嘅，我平时跑都喺gym里面跑，如果喺出面跑𠮶个心跳都需要调整下，训练下。”宝儿表示。

阿Ben透露接下来会休息几日，之后会有活动，今晚都如常约会、吃饭。

【周五心意运动】您捐一封$50利是，已可为基层送上温饱，01心意呼吁您支持【食德好】，每$50可为12个家庭提供一餐回收蔬果及食物：https://heart.hk01.com/zh/project/10003