汪明荃潮游日本　“VL”羽绒有钱都买唔到

人称阿姐嘅汪明荃虽然年届七十，但心态年轻，去年潮玩IG自创“汪阿tag”人人赞好。不过，如果要话阿姐跟得上潮流的话，衣著打扮一定系其中一项，由Comme des Garcons、3.1 Phillip Lim到近年最爱嘅Gucci，阿姐全部都carry得起。
 

就好似佢日前同家英哥去日本旅行时，一件Moncler长羽绒配以Gucci白波鞋、BV (Bottega Veneta) 手袋，绝对系唔少潮人之选。值得一提嘅系，阿姐呢件羽绒，系Moncler联同Valentino推出的，衣服上印有“  VLTN”字眼，价值约为2500美金左右，但官网早已售罄。

去旅行当然愈轻便愈好，阿姐除选择唔少女士们都喜爱嘅BV袋之外，亦带备了出现过喺唔少艺人身上嘅Gucci索绳背包，价值约为1万5港元左右。阿姐走在潮流尖端之余，亦都有照顾埋家英哥，一人一条Gucci暗花颈巾，一个黑色一个紫色，唔觉唔觉一齐以情侣装出场，真系好正。