赵哲妤大马分娩返港后始发现女儿听障：我喊都嚟唔切

赵哲妤（Uny）因为女儿小鱼天生深度听障，曾讲过自己有个卑微愿望，就系希望小鱼恢复正常听力。早前小鱼植入人工耳蜗后康复进度良好，日前Uny带同小鱼接受香港开电视主播植咏珊访问，眼见佢地玩得非常开心，小鱼亦与一般小朋友无异，睇嚟Uny新一年的确能心想事成。

2016年12月，Uny喺马来西亚诞下囡囡小鱼，佢坦言因为当地检测无香港咁多，未有即时发现小鱼听力有问题，直到返香港之后，有日大风吹门“呯”一声关上，全屋人都吓一跳，唯独小鱼毫无反应，然后Uny开始留意到小鱼对其它声音都无反应，立马带她做检测，Uny说：“初时梗系以为系报告出错呀，但两次检测结果都一样，我喊都嚟唔切，即刻帮佢揾医生做手术，尽早医治！”

为咗小鱼，Uny仲报读语言病理学课程：“作为妈妈，我希望可以帮到佢更多，返学需时两年，依家读左半年，我觉得安心左，因为对呢个病了解多左，日后我就更有能力帮佢恢复正常听力同讲嘢！”小鱼早前植入人工耳蜗后康复进度良好，Uny话：“依家小鱼听到我地讲野，自己亦会讲BB话，我已经好开心！新年全家去咗日本旅行，等小鱼初尝玩雪滋味！”作为单亲妈妈要肩负照顾囡囡及财政重担，Uny坦言赚钱绝非人生首位：“赚钱够用就ok啦，生命系需要平衡的，要以人为本，何况小朋友肯黐住自己的阶段不长，我要好好珍惜！”