新年四套必睇中国风动画电影 最后一出仲有黄沾配音！
恭喜发财！祝大家猪年行大运！
其实每逢新年，大家都好兴揾返一啲经典嘅电影嚟娱人娱己，而主要都会以喜剧为主，都啱嘅，新年都系想开开心心笑返餐！尤其系一众赌类电影例如《赌神》、《赌侠》、《呖咕呖咕新年财》，而周星驰嘅电影更加系必睇无疑！不过呢啲电影一般都系成年人先睇得明，而且中间又会有啲粗口成份，又或者有少量色情，小朋友实在唔太啱睇！所以今次记者打算介绍几部好有新年feel嘅中国风动画电影畀大家，好笑之外又大人细路都啱睇！
《功夫熊猫》
有中国色彩嘅动画电影，当然要数到《功夫熊猫》！故事主人翁阿波系一个肥嘟嘟，笨手笨脚嘅熊猫，超级崇拜玉皇宫嘅悍娇虎、灵鹤、快螳螂、俏小龙、猴王呢五位大名鼎鼎“盖世五侠”。但原本只系喺面馆打工嘅佢机缘巧合之下竟然被选中做“神龙大侠”，仲有机会可以同“盖世五侠”一齐学功夫对付大坏蛋残豹！虽然故事简单，但将笨手笨脚嘅阿波训练为“神龙大侠”中途的确闹出唔少笑话！再加上原版本仲有陈奕迅、谭炳文、何韵诗、李璨琛以及房祖名等人嘅生鬼配音，真系细路仔有细路仔嘅笑点，成年人有成年人嘅看点！
角色列表：
《花木兰》
1998年由华特迪士尼制作，由华特迪士尼制作第36部华特迪士尼经典动画长片！故事嘅蓝本就系中国家传互晓的传统故事花木兰代父从军嘅故事！同之前一样，广东话配音都有成龙份！
角色列表：
《大雄的平行西游记》
《大雄的平行西游记》
《大雄的平行西游记》系一套31年前嘅作品，故事改编自中国小说《西游记》。故事系因为学校有个话剧，想做孙悟空嘅大雄因为只分配到做路人甲而好伤心，所以返去揾多啦A梦用时光机去到唐朝，点知改变咗历史......
角色列表
《小倩》
系1997年徐克嘅动画作品。故事的蓝本其系中国著名小说《聊斋志异》中的《聂小倩》改编。虽然《聊斋志异》系讲好多鬼怪话题，不过改编做动画之后就全部变晒趣味笑话，啲鬼怪亦都好可爱。最重要嘅系，《小倩》系一部本地制作嘅动画电影，身为香港人当然要撑返本地嘢啦！而且为呢部动画电影配音嘅仲粒粒皆星，包括林海峰、袁咏仪、杨采妮、仲有黄沾添呀！
角色列表