与梁嘉琪等人搞年宵　冯盈盈亲身示范热卖商品“反应帽”

梁嘉琪联同几位汤洛雯、冯盈盈、张宝儿、张秀文、邝洁楹以及一班幕后工作人员喺观塘年宵摆档，问到生意如何，嘉琪表示已唔错，更透露有市民每日都会帮衬。“刚刚有人拎二千蚊出嚟话帮佢尽执，我哋都希望多啲呢啲大客。”年宵市场摊档，售卖公仔、地毯和咕O臣等杂货，到底边项系best item呢？原来系“反应帽”，嘉琪更笑言猪帽由于有黑白色，所以不时被当作系乳牛。

几位小花都话每日都有艺人朋友撑场，而呢晚除咗有王祖蓝之外，黎诺懿亦惊喜现身，令众人十分感动。“其实我哋无刻意同艺人朋友讲，但佢哋都好主动咁嚟撑场，好似高Ling咁，佢仲帮埋手找钱、同大家影相，好感动。”年宵档投资6位多数，几位小花都表示重点系慈善部分，但若能同时回本当然最好，问到过程中可以发生争拗，汤洛雯说：“自己本身都得闲，但突然有节目喺身，有时连电话都覆唔到，有日要同大家开会都唔记得，但好在大家都好体谅，亦会互补不足。”

另外，提到日前驾车时遇上无礼司机举中指，张宝儿表示该名司机可能比较比急。“佢贴得我架车好埋，同埋不停闪高灯，后来佢换咗中线，其实系一件好小嘅事，点知行咗一段路之后，就见到对方对我哋举中指。”张宝儿指男友袁伟豪事后在fb出po并非为了制造新闻话题:“佢自己都系一个好奉公守法嘅人，所以当见到大家制造咗啲麻烦或者一啲危险嘅情况嘅话，佢会激动啲。”