马浚伟生肖属猪遇本命年无有怕 猪年拍戏开演唱会做生意多线发展
撰文： 洪晓璇
出版：更新：
生肖12年为之一个循环，今年就系猪年，生肖属猪嘅马浚伟今年正正系本命年，但佢并无传统犯太岁忌讳。过去一年，马仔有如超人上身，搞舞台剧、拍节目，开咖啡室，去北京大学进修；今年依然忙个不停，马仔接受香港开电视节目主持马梓轩访问时话：“2019年期表已经排满，包括拍电影，开演唱会、做生意同继续读书！”
通常遇上本命年运势都会相当波动，主持人问马仔使唔使学超人咁，著红底裤增强运势？马仔闻言不禁笑言：“幼稚，我不迷信的！新年也不会穿红衫，个个都穿红衫，我才不跟红哩！”每年新年，马仔例必放假陪伴家人，今年因家中多了五只爱犬，相信会更加热闹。
马仔话：“狗仔大得好快，以前我一手可以抱三只，依家佢地已经大半个人咁高，随便一只向我迎面扑过嚟，我都要即刻闪开，否则一定被推跌！”言谈间都听得出马仔系爱狗之人，18年佢主持兼统筹嘅节目获得好评，问佢会唔会设计一个关于狗狗嘅节目？马仔大笑话：“同你继续狗？哈哈，可以考虑！”