杜汶泽获汪阿姐亲手炮制爱心萝卜糕　大赞阿姐在无利益之下仍爱国

每逢农历新年前好多人都钟意亲自整一些贺年糕点应下节，估不到工作非常忙碌的汪阿姐汪明荃都会在百忙之中抽空整糕，亲手炮制萝卜糕送给亲戚朋友，真系好有心呀。而杜汶泽与他太太田蕊妮都有份得到阿姐牌的爱心萝卜糕，阿泽于facebook分别开了3个post多谢汪阿姐同埋高呼自己爱汪阿姐。

他post了阿姐整糕时的靓相并留言表示：“阿姐啱啱打比我，话每年整萝卜糕一定记得我。佢话会放响一厂化妆间叫阿田去攞。我叫佢响盒萝卜糕上面tag返我就一定会收到！咁有我心，阿tag我爱妳呀！”

之后他又再出post，大赞阿姐表示：“阿姐年年送萝卜糕后记：所以我一直都好尊重佢，因为佢自细就爱国，当时响最无利益嘅情况底下都坚持，根正苗红，做个勇敢中国人。Well......大家立场唔同，我无意见，并尊重。唔似得其他垃圾艺人，97前就民主歌声献中华，依家有著数就忽然爱国。有啲仲衰到揾自己同阿姐相提并论，真系作呕。识时务者为俊杰，呢啲人，日本仔打到嚟一定学日文做汉奸。都系𠮶句，阿tag我爱妳呀！”最后就post了汪阿姐的爱心萝卜糕靓相，好有爱㗎！