【湛琪清结婚】女儿加盟模特儿行列？　甄子丹：佢都系以学业为重

甄子丹太太汪诗诗表妹湛琪清（Jessica）昨日（1/2）与拍拖两年的男友金承威（Kenneth）在中区圣公会圣约翰座堂行礼，晚上移师到湾仔君悦酒店廷开47席款待来宾。身为表姐夫的甄子丹开心表示能够见到Jessica嫁给一个非常绅士的男仔：“其实我太太系表弟表妹间系一个大姐姐，对佢哋好似亲细老妹一样，一直以来我哋系睇住佢哋长大，好似家人咁亲。”

提到甄子丹与汪诗诗所生的14岁女儿Jasmine（甄济如）越大越漂亮，十分抢镜，被问会否让她做模特儿？汪诗诗笑言：“好多时候都会有杂志问我哋Jasmine有冇兴趣影下相，今次都问咗佢，佢话系为兴趣，如果佢将来有咩打算都好，我哋都会支持佢。”旁边子丹续说：“佢做乜我哋都支持，今次拍呢啲相，可以留下一啲回忆作为留念，但而家佢仲细，都系以读书为主先。”