【专访．有片】Jumbo户口最低得返4位数：网上平台真系帮咗我好多
虽说“举头三尺有神明”，但近年“女神”二字的确被用得太滥，几乎有“眼耳口鼻”都叫女神！但现年27岁的曾淑雅（Jumbo），虽然演艺事业发展平平，但凭甜美笑容以及傲人身材入行至今八年，女神地位依然屹立不倒。新年新开始，即将与向展邦和向展威模特儿公司约满的Jumbo亦决定转型，将事业重心转战健身运动──普拉提，成新一代“健身女神”。
摄影：叶志明
拍摄：叶志明、吴宇峰
剪接：吴宇峰
场地提供：LET’S FITNESS
Jumbo在19岁时被模特儿公司安排参加“中国小姐香港区”成为三料冠军后，正式入行。回顾自己八年的演艺事业，Jumbo坦言有得亦有失：“其实我觉得失去同得到都系一样嘅，失去嘅当然是最宝贵嘅时间同青春，但我相信我都仲算系青春嘅…得到嘅都好多，系好多人都未必可以接受到嘅一个机会，可以见到好多唔同嘅人，去唔同嘅地方接触唔同嘅嘢，其实都几值得。因为人生系应该有唔同嘅经历，呢个都系一个好好嘅经历。”
无悔早入行赚钱 Jumbo户口最低得4位数
唔少当红艺人都曾公开表示后悔自己太早入行赚钱，但Jumbo没有后悔在自己最青春少艾时入行，但她坦言多年来都曾有无数次想放弃及灰心的谂头闪过：“其实都有因为工作量唔稳定而唔开心过，但之后做咗运动，等个人作息时间稳定咗，就唔会谂咁多嘢，就会开心啲。（工作会点唔稳定法？）我都试过银行户口得返4位数字，可能屋企有啲事，突然间要一嚿钱，咁就要攞出去，令户口数字跌到一个位。𠮶阵都有担心，但都担心唔到啲咩…但网上平台的确帮咗我好多，令我收入稳定返啲。而且我大多数朋友都系上班族，有稳定收工之余，做得耐又会升职加人工，而我就会不安同好徬徨，但我自己就有好多自由时间，所以就走咗去运动同学Pilates（普拉提）。”
Jumbo决定转型 网上教普拉提瘦身
相比起每年平均拍摄1至2部电影，在社交平台卖广告的收入的确可观得多。有见及此，Jumbo亦决定花一半的时间将自己对健身的兴趣，发展成事业，除了在网上平台教大家用普拉提瘦身，Jumbo亦透露：“我都会去开班，想推广一下Pilates，新年后所有嘢都会准备，到时会再话畀大家知。”
过往爱情经历让Jumbo明白女人要有事业
每个人或多或少都曾经在爱中受伤，Jumbo就把这些经历让自己成长。初入行的Jumbo俘虏不少宅男，当时更有传她入行1年已有富二代揸百万靓车献慇懃，上年宣布与圈外才俊男友分手的Jumbo亦坦言自己的经历令爱情观出现很大变化：“上年都遇到一个自己觉得好适合，不过发现始终自己工作唔稳定，发现人大咗觉得女仔一定要有自己工作先有安全感，已经唔系喺爱情𠮶度俾。而且我做呢行唔稳定，真系辛苦咗个男！我相信事业稳定，爱情自然会嚟，我觉得咁嘅关系会更加开心。甚至乎结婚，除非男方可以support到，但男方都会好大压力，所以喺呢个时候做多啲。（择偶条件会唔会变咗？）应该要求冇以前咁高，年纪上以前唔会拣太大个，而家可能细两年思想成熟都得啰！而且唔可以食烟，同孝顺系一个重点。”谈到新年愿望，Jumbo除了希望身体健康外，更想：“30岁前揾到自己嘅目标同方向，同埋揾多啲钱！”