胡杏儿IG贴超声波照宣布成功追猪BB：真系凑够开农场啦﹗

好多老人家话猪BB特别有福气，听教听话兼容易与人相处，的而且确嚟紧猪年真系大把星B排住队出世，呢日又添一员啦﹗现年39岁嘅胡杏儿婚后同丈夫育有一子Brendan，囝囝刚刚15个月大，两公婆都一早放声气想追多个。杏儿呢日终于宣布喜讯：“猪宝宝终于加入，李氏农场可以开张了！”

杏儿去年11月一家三口到马尔代夫庆祝生日，返港后已被发觉面圆圆肚突突，多次被追问系咪再次怀孕佢都三缄其口，大耍太极话努力中、好快啦好快啦。上星期到澳门出席活动时，著上蓝色闪片上衣明显见肚，佢都已经暗示：“好快有好消息宣布。”29号上昼，杏儿喺IG贴上超声波相，宣布猪宝宝终于加入啦﹗仲有大仔Brendan一脸好奇指住妈妈孕肚嘅相片，非常有爱。

胡杏儿生日获老公送惊喜 入住水底别墅索价39万一晚有咩玩？

杏儿表示：“真系好开心！生到猪BB ，真系凑够开农场。上次陀住brendan又系开紧工，今次陀住BB又系拍紧剧，可能BB旺妈咪工作，想陪住我开工，但今次拍到2月尾就完成，所以还好，只是今次孕吐感觉比较强烈，成日无乜胃口。我拍完这部剧之后就应该会留在香港，既可多些时间陪Brendon，又可继续接一些轻松而又应付得来的工作。最后，亦系最紧要、最想就系BB健康同平安！多谢大家祝福。”杏儿老公亦话：“Well it looks like Brendan has worked out that something’s cooking because he keeps pointing at Mummy’s belly - his new best friend and playmate”