TVB艺人被刘青云弹演技似DJ　一开声就出事：佢问我系咪做电台

一班演员为猪年贺岁歌舞电影《你咪理．我爱你》在深水埗宣传造势。2012年陆浩加入无线电视成为旗下艺人，经常以主持身分演出多个节目，最广为人知有《食平D》饮食节目系列，经常孖住肥妈教煮𩠌，迷到一众师奶们追看，知名度因而提高，频频出骚做司仪。

陆浩感恩表示：“好多谢肥妈呢个节目，帮我深入咗观众唔同嘅年龄层，3岁到80岁好多观众都好钟意睇我哋嘅互动，同肥妈煮嘅嘢食。”被问到一个月最高记录接过几多个司仪骚？陆浩直言说：“试过一个月都8个骚做，平均一个星期有两日，因为本身系TVB都有其他嘢做，所以有时我哋经理人会睇下啲期撞唔撞。”并笑指自己一个月人工，有如杜拜一间5星级房间价钱。

一向做开主持的陆浩明，原来都有想过拍剧的时候，但始终认为自己未够班而放弃：“我曾经试过拍电影，系呢方面唔拿手，系渣嘅，因为喺好耐之前我拍过一套电影，𠮶套戏有刘青云同容祖儿做，电影叫做《身骄肉贵》，当时我做完知后，刘青云哥哥同我讲：‘你系咪做电台㗎？’𠮶阵时我又啱啱入行做梗电台，我就话：‘刘青云哥哥你有听我个节目㗎，通常都系深宵节目你都有份听呀？’之后青云就话：‘唔系，因为你讲嘢嘅腔口呢，好似一个主持人同埋一个DJ呀！’，咁我听完之后知道出事啦，死啦！因为我哋讲嘢都惯咗一个模式，咁所以喺演戏方面要唔同，喺𠮶件事上可以话赞赏得嚟系一个打击。”

6号除咗主持叻之外，仲有个靓靓模特儿女友。