【守护神之保险调查】刘心悠要揾男友　念力破宿命：用吸引力法则

无线剧集《守护神之保险调查》一众演员今日（28/1）出席在葵涌举行的“庆团年盆菜宴”，与60位长者一齐共享盆菜宴，更大玩游送礼物，现场气氛热闹。刘心悠笑言日前经历过人生第一次盆菜宴：“早几日我约咗公司嘅同事，及合作开嘅工作团体，嚟我屋企一齐享受呢个盆菜，因为我以前冇食过嘅，大家可以围住食一窝嘢感觉好开心，个过程好得意，可以系咁刮，都唔知刮啲乜嘢出嚟，觉得好好玩，今日系我第二次食。”

此外，心悠被问到新年点过？心悠笑言：“会同妈咪飞去美国，去一个唔长唔短嘅假期。”是否顺道与令一半过埋情人节？心悠续说：“我会喺𠮶边过埋情人节，同埋我阿妈。”听你讲咗几年都系单身咁过？心悠笑说：“咩又系呀，咩意思呢，你挑战我，咁事实系嘅，哈哈！”点解唔揾返个男友？“你呢个问题好有问题，逻辑上好唔合理嘅，妈咪都冇催我，其实佢都觉得我做嘢好辛苦，佢唔会担心我，我哋应该用“吸引力法则”去谂，如果你觉得我冇就会冇，你觉得我有就会有，其实都系因为你咁谂所以我冇，系你诅咒我，哈哈！”