【极度怪咖】汤怡首拍TVB剧集　唔怕同王浩信传绯闻

向来主攻电影嘅汤怡，最近出演无线新剧《极度怪咖》，于剧中饰演中学教师，但受命要做社团话事人，结果搞出唔少笑料，要由王浩信帮手处理。汤怡透露由于自己较为慢热，故开工初期都几唔惯。“好在之后熟咗，就知我都可以好搞笑同好癫。剧中我同王浩信有感情戏，不过其实佢只系揾我过桥掩饰自己系gay，开头都有啲紧张。”

王浩信向来都多绯闻，问回复单身嘅汤怡怕唔怕“中招”，佢话唔会特别去谂，因为王浩信于剧中成日被咁多位女主角包围，故无需太避忌。“不过其实佢好好，教我好多拍剧要留意嘅嘢。”汤怡表示剧条与电影差不多，加上自己已非新人，所以并非太担心。