胡卓希向老板古天乐取经：最想喺电影方面发展

胡卓希（Jason）出席时尚品牌活动，曾经是模特儿的他，分享了自己对时尚的一些看法：“最紧要揾到自己啱嘅Style，唔好话人哋著咩或者潮流兴咩就著咩，其实都要睇返自己嘅个人喜好啊，或者身型去配搭返。因为我觉得唔会话有任何一个身型系所有衫都唔啱嘅，揾返自己啱嘅Style就ok。”

最近Jason与古天乐的公司签约，成为宣萱、佘诗曼、林峰师弟。转行做演员，问到想挑战的角色，Jason就表示：“其实我近排好想试吓做亲情比较浓嘅戏，感情上会比较容易代入，因为我同屋企人嘅关系都比较好，所以想演呢类嘅戏。”问到身为老板的古天乐有没有给新人一些贴士，Jason则回应：“之前食冬至饭嘅时候，佢同我哋一班后生嘅训话咗一阵，其实佢都系俾咗啲贴士我哋啦，喺呢行应该点样去成为一个更加好嘅演员。我都有把握机会问佢自己一直谂唔通嘅嘢，都得到好好嘅答案。”

接下来Jason透露会有电视剧的拍摄，之前也拍了一些Viu tv单元剧，听导演说已经进入剪接阶段，希望可以快点面世；电影方面都会去很多不同的casting，自己最想还是在电影方面发展。