【新春开运王】汤洛雯望猪年做业主　做好准备等上车：细有细买

汤洛雯今日（22日）出席无线电视贺年节目《新春开运王》拍摄，说到自己今年想上车，所以向麦玲玲师傅攞贴士：“因为自己未储够钱，所以问上车或者租楼有冇咩要注意嘅地方。”又透露其实离实现目标尚有一段距离：“其实大有大买、细有细买嘅，所以成日都想等个时机，但师傅话今年系入市好时机，同我听讲楼价会回落少少，可能呢段时间留意吓。”
 

说到昨晚好姐妹黄心颖的生日派对，靓汤话：“真系好耐冇著过校服喇！麦美恩话自己成世人都冇著过校服，所以今次呢个Party圆咗佢一个梦。自己对上次系中学嘅时候著校服，都十几年喇。”时隔多年再穿上校服，靓汤表示有点尴尬：“著咗之后大家都话死啦会唔会有啲违和感，但ok嘅，大家玩吓啰。心颖都好开心嘅，29+1，所以今次呢个Party等佢可以留吓念。”

汤洛雯透露为了这个派对大家都用了不少心思：“但我哋成日都觉得中学套校服唔够靓，所以我哋特登上网买咗啲校服系日本校园风嘅校服，衬晒色衬晒Tie好靓嘅，所以今次我哋好满意个Party。”说到男同学们，靓汤则笑说：“冇办法，张振朗啱啱开剧所以染咗个白头，系要被赶出校嘅坏学生，但马明个套系逃学威龙个套，好正！”看来他们都在派对里留下了不少欢乐的回忆。