钊峰艳福无边　孖12美少女拍MV：幸福感爆棚！

前组合CAllstar成员钊峰单飞后，今年正式以全名“梁钊峰”派台新歌《问题青年》。今次的MV导演6号安排逾十多位美少女与他通宵拍MV，钊峰坦言心情既兴奋又紧张，但幸福感爆棚！

MV中12位少女穿著同色同款的服装，“睡”在现场每个角落。钊峰努力唤醒她们不果，同时另有一位衣著有点相似但特别高的女子，在操控这些昏睡的少女，结局出人意表。钊峰说：“呢首歌系讲两代之间嘅矛盾，依家嘅年轻人好大嘅‘无力感’，上一代嘅人成日都觉得下一代乜都不足、唔够经验……俾年轻人好多框框，令年轻人无所适从而产生好多问题青年，今次MV嘅少女就系用肢体动作去表达呢种无力感。”

“新歌《问题青年》令我幸福感一浪接一浪，首先呢首歌邀请到陈辉阳和林夕先生为我献曲献词，连题材都系林夕构思，非常切合辉阳嘅旋律。而MV导演请嚟Rubber Band主音‘6号’，佢从构思到落实拍摄，花咗好多心思先至得出呢个咁唯美嘅MV。”钊峰觉得自己属于“上一代”还是“下一代”呢？他说：“我系‘中代’！我身边有唔少90、00后嘅朋友，大家相处好快有共同话题，亦有好多超过50、60岁嘅朋友同我兄弟相称，我觉得自己跟任何年龄人士都可以沟通到。大家试谂一谂，有时觉得下一辈唔够经验、想法不切实际嘅时候，谂返自己成长过程如果被前辈咁样揩评亦唔好受，大家都后生过、都有过呢份冲劲，不妨俾多啲呢一代嘅年轻人去发挥。（你点样同上一代沟通？）我有时会去做义工，识得点样同啲‘老友记’混熟，其实最紧要用心去沟通，有时一个微笑就够。”