岑丽香怀孕六个月自己打曱甴：我唔可以再成日靠人哋！
撰文： 赵允琳
出版：更新：
岑丽香（香香）今日（15日）出席护肤品牌活动分享护肤心得，虽然已经怀孕六个月但香香的皮肤状态仍然满分，原来是因为她在护肤方面一点也没有偷懒：“有多啲时间休息就会令我用多啲时间去整到自己靓啲！同埋用啲简单、天然嘅嘢会令自己觉得舒服同开心啲。”
香香表示自从怀孕后变得特别喜欢饮果汁，但同时因为经常不知道自己想要什么而令到老公好头痕：“有时真系估唔到自己𠮶刻想要啲咩，好似上个星期老公买咗一大支橙汁，谂住我𠮶排钟意橙汁可以畀我随时饮，但系我又冇掂过，偏偏系要苹果汁，所以佢又要走落去再买过！”
她透露自己因为即将要成为人母，所以逼住自己一定要长大和学懂牺牲，更意外地克服对曱甴的恐惧：“上个月我自己喺屋企见到只曱甴，我即刻尖叫闩门希望佢自己走，然后我打电话畀我表姐，佢同我讲‘你唔可以再系咁，你要做人阿妈啦㖞！’𠮶吓我觉得佢讲得好啱，我唔可以成日靠人哋，一定要保护另一个生命，永远都摆佢喺我嘅第一位置！于是几唔想都好，我就深呼吸，一下好大力拍落去杀咗佢！”她笑说希望自己能够给小朋友一个安全的地方长大，并成为一个当遇到危险时第一时间站出来保护孩子的妈妈。
更多精彩活动照片：
+13