【大帅哥】“天娇”一角人气爆灯　谭凯琪有著数攞：买𩠌唔收零头

谭凯琪（Zoie)张兆辉、黄翠如、黄庭锋周二（15/1）出席在将军澳举行的商场贺年揭幕活动。新年就快到，每逢年三十晚Zoie必定成班朋友，倾巢而出行年宵扫平货：“我自己好钟意买花，又会买啲公仔送畀啲姨生女，同时又可以同啲朋友一齐讲吓价，又可以热闹吓。”会唔会买桃花旺吓自己？“我有一年买过，但系原来要处理呢个桃花都好讲究，又话唔好畀人掂呀，听落好似好多顾忌，买完一年之后就冇再买啦。”

谭凯琪凭电视剧集《大帅哥》“天娇”一角人气急升，连出街买𩠌都有优待。Zoie开心说：“有时候去街市买𩠌，佢都都认得我，叫我天娇，仲话零头唔收我，感觉份外亲切，好多谢天娇呢个角色。”爹哋妈咪对你有咩评价？“爹哋从来都冇赞过，佢只会话：‘ok啦’，佢觉得演戏系需要浸淫，都系觉得我仲系学习阶段，但佢觉得我今集比以往系进步，所以觉得可以同自己有所交代。”