掷5百万投资物业萧正楠无份　黄翠如：私己钱分清楚好啲

黄翠如今日（15/1）出席在将军澳举行的迎新春活动。每逢过新年，家家户户都会在年28大扫除，将家里秽气扫走，寓意除旧迎新。翠如笑言：“如果唔使开剧，一定会同屋企人执屋啦，因为大扫除系最痛苦而又系大家都唔愿意做嘅，不过最惨大家都要开工，我屋企棵圣诞树仲未拆，我谂梗好唔好将啲利事挂系棵圣诞树度，变做新年树。”会唔会买红色内衣裤过年？“我冇咁嘅概念，等我问下萧正楠有冇呢个习惯先，而我自己就冇买开。”会唔会今年试吓，可能旺一旺先？“咁我一阵间过隔离买返啲红底裤先。”

有传黄翠如爸爸豪掷5百万，用爱女名义购入上环一个商业单位，目的是助女儿踏入商界铺路。翠如澄清说：“唔知呢个报导点样嚟，我只系买咗一个好细嘅物业，系我自己买嘅，咁当然正常系用我个名啦，只不过系一个少少投资，咁同我爸爸，同萧正楠两人都冇关系。”买前有没有与萧正楠商讨过？“冇呀，佢系大概咁知吓，我哋今时今日女仔要好独立，唔可以畀太多嘢佢哋知嘅，私己钱分得清楚会好啲。”