【劲歌金曲2018】王梓轩带领22位新人Acappella　获大赞有心思

2018年度嘅乐坛成绩表终于全部派发晒啦，得奖获肯定固然高兴，但只要企喺台上尽力演出，观众雪亮嘅眼睛一样会看得见。王梓轩被邀出任《劲歌金曲颁奖典礼2018》表演嘉宾，带领22位应届新人合唱《边缘引力》、《罗宾》及《无尽》的组曲，获网友大赞相当用心。

22位应届新人来自唔同公司，要一齐去练歌本非易事，其中一个功臣绝对系负责编曲兼领唱嘅导师王梓轩：“其实大家都系专业，佢地对演出都好有要求，望住佢地都谂番起以前嘅自己。所以今次同佢地一切练习几十个小时，虽然辛苦左啲，但系大家都好享受当中个过程，最后睇得出佢地好齐心用力去练好表演，我地好振奋！”

为咗呢段表演，众歌手排练两星期，希望有最佳效果。作为导师的王梓轩就话乐坛每年都有“后浪”涌现，而且实力、唱功都好有水准，仲令佢谂起以前有份角逐奖项时嘅心情：“其实去到颁奖礼现场，虽然真系一个气氛浓烈嘅盛会，但本身意义都系庆祝，唔系比较，所以平常心享受个骚最好。依家我都冇以前咁睇重奖项，反而更享受通过各种渠道同乐迷、影迷直接沟通。”