【劲歌总选】准备击败容祖儿成歌后？ 菊梓乔：数量未必系优势
菊梓乔Hana在2016年签约正式以创作女歌手出道，2017年亦加盟星梦娱乐，同期亦因有“星梦一姐”之称的吴若希（Jinny）结婚生子而减产，所以外界亦认为菊梓乔Hana是吴若希（Jinny）的接班人又或是老板何哲图的新宠儿。
其实星梦想将菊梓乔Hana定位为“一姐”已有迹可寻，适逢将于明晚（12日）举行2019年《劲歌金曲颁奖礼》临近，菊梓乔Hana入选歌曲又足足比在《劲歌金曲颁奖礼》中，攞足11次“最受欢迎女歌星”的容祖儿多出4首半，如果将2019年“最受欢迎女歌手”颁给菊梓乔Hana的话，就更能印证这个说法。今日菊梓乔Hana出席香港电台接受《香港01》访问，想也不用想，就表示更希望对手得奖多于自己。“容祖儿，因为我好钟意好钟意佢。（唔使谂？）系吖系吖。”
菊梓乔Hana续说：“我觉得，祖儿嘅歌永远都系最好嘅，因为我真系好钟意佢嘅声音，佢嘅音乐，同埋唔系多（歌曲提名）就系好㗎嘛。呢个只系一个数量，同𠮶个（得奖与否）系冇关嘅。（数量唔系优势？）数量都未必系优势，因为太多嘢要兼顾。即系好似系有6个小朋友同一个小朋友，系咪先。6个小朋友我都钖，但系未必可以6个都锡晒啰；如果我得一个我就可以好好咁宠幸佢。”
假如菊梓乔Hana真的击败蝉联７届“最受欢迎女歌手”（2010-2016年）的容祖儿，又会如何呢？她回答说：“唔好咁讲。（假如啫。）都系侥幸。（到时心情会点？）我觉得系一个新开始，要做得更好，如果有机会攞到呢个奖，就证明咗我以后嘅路要更加进步，先对得住呢一个奖。（两年就攞“最受欢迎女歌手”，惊唔惊太快？）我惊自己太老，哈哈哈。我唔惊。大家睇到嘅可能系一段好短嘅时间，其实我朝住呢一方向同目标都系一段唔短嘅时间，亦都好希望做到自己想做嘅事，唱多啲好音乐，趁自己年轻力壮留下多啲倩影。”
外界亦有报导指菊梓乔Hana今年胜算很高，不过她听毕之后就十分谦虚。她说：“我自己都未睇呢啲报导，亦都觉得报导嘅嘢系一个未知之数。我自己都觉得呢一年同大家、同事、团队都尽咗好多努力做音乐，咁样已经系做得好好，其他嘢必须系要平常心，咁先可以‘但愿人长久’咁样长长久久。（谂咗致谢词未？）我唔可以谂定㗎，要写咗先，如果唔系上台就会空白一遍，但系如果冇准备，就可以随心去讲。”
2019年《劲歌金曲颁奖礼》临近，心情如何？菊梓乔Hana回答说：“心情系开心嘅，因为最后一张成绩表，真系最后一个颁奖礼。我觉得开心，因为好似抛毕业证书嘅感觉，就嚟可以去玩啦。（暂时为止攞咗几个奖？）我未计吖，因为我数数目系好差嘅，应该系多过一个，但系多过一个就好难计，二以上我就要数清楚，因为我惊讲错，但系今年成绩真系好满意同好开心，真系好多谢身边嘅工作人员同团队，因为今年都有成9首歌。”相信菊梓桥Hana在《劲歌金曲颁奖礼》再夺“最受欢迎女歌手”的话，她就会开始计算今年的乐坛奖项收获了。