郭羡妮入围亚洲电视大奖视后：信心一定要有！
撰文： 叶诗
出版：更新：
郭羡妮（Sonija）今日（10日）出席环保活动分享自己的环保心得：“去街食饭食剩打包咪有啲胶盒嘅，我就唔会扔啲胶盒，会循环再用洗干净再用来装嘢，用完啲玻璃樽，由好耐之前已经习惯再用嚟装啲海味、干货之类，纸方面亦会用晒两面，小朋友之前啲功课，后面都会再用嚟写笔记。”
谈到由郭羡妮主演、正在上映的电影《朝花夕拾 芳华绝代》（简称《拾芳》）口碑不俗，Sonija则表示：“希望多啲人去支持呢套本地嘅作品，真系一群有心有力有火嘅人，去将梅艳芳小姐嘅好带出嚟俾大家睇，希望多啲人会入场睇。”
郭羡妮凭港台剧集《狮子山下2017》单元剧《秘密》，入围亚洲电视大奖最佳女主角，Sonija就话：“信心一定要有！其实可以入围呢个奖项，自己已经当赢咗。收到呢个消息嘅时候已经好开心，因为呢个唔止系一个（电视）台咁简单，系全个亚洲嘅国家去比赛，咁有得入围咪已经好犀利啰，所以已经当赢咗。”