【使徒行者】24岁姜珮瑶出道3年踢走佘诗曼　合作对手全部系影帝

《使徒行者》电影版第一集由张家辉、古天乐、吴镇宇、佘诗曼及许绍雄领衔主演，虽然吴镇宇于上集已经身亡，但探班活动上亦有其踪影，反观身为《使徙》铁脚之一嘅佘诗曼，就因为要拍摄内地新剧而无缘参与今次演出，令女主角落喺内地演员姜珮瑶身上。

呢位毕业于北京电影学院嘅90后，曾被保送为学院嘅专业硕士研究生，并同时获得奖学金，绝对系高材生。姜珮瑶出道虽然只系4年多，但已先后两次有份喺冯小刚执导嘅作品演出，去年由麦浚龙执导嘅《风林火山》，演员除有梁家辉、金城武、刘青云以及古天乐等份量级人马之外，姜珮瑶亦在名单之内，同完一众影帝交手之后，姜珮瑶去年其实亦有同唔少人嘅“老公”彭于晏于电影《热带往事》合作，而同戏仲有张艾嘉，单系以上嘅合作单位，相个已令唔少人羡慕。虽然香港观众对姜珮瑶可能较为陌生，但其实佢嘅经理人公司嘉映影业于内地实力雄厚，《黄金年代》、《亲爱的》、《七月与安生》均有份投资，当然《使徙行者》亦系其中之一。