郑希怡贴出16年前英皇大合照　激瘦尖面张致恒成网友焦点

人大咗时不时会喺度想当年，虽然细个嘅时候唔识打扮，衬衫化妆都系自己盲摸乱学，睇返转头真系娘味甚浓。但年轻岁月无忧无虑难免令人怀念。Yumiko郑希怡呢日喺IG上载一张17年前嘅大合照并写上：“发现宝藏﹗”引来网友热烈讨论﹗

相片中见到一众熟悉但青涩嘅面孔，好似谢霆锋、陈奕迅、王杰、容祖儿、车婉婉，刚出道嘅TWINS同陈冠希，未出道嘅BOYZ同Yumiko等。意外揾出呢张陈年旧照，Yumiko都即时放上网同大家share，笑言：“唔知几多年前，最少16年﹗steven好瘦，我块面好红，几代功臣。呢张相好珍贵﹗”的确，相片中嘅张致恒当年应该只有17岁，块面系所有人当中最尖嘅一位，相对宜家加大码身型，又真系难怪引来网友惊叹。

Mani霍汶希随后都有贴出同一张相，当年一手一脚捧红呢班小朋友成为金牌经理人，呢张合照对Mani来说都系别具意义：“2001年的英皇家庭合照、岁月如梭、光阴飞逝。时光飞逝，快得实在太可怕了。真系非常挂住老爷～～罗文。”见到已经离开大家多年嘅殿堂级歌手罗文但喺正中间，一手搭住最疼钖嘅徒弟容祖儿，令人不胜唏嘘。