【心冤】与谢君豪合作感压力 惠英红：近十年未遇咁超班嘅对手

惠英红昨晚（2日）出席主演的福斯（FOX）迷你剧《心冤》首映礼，小红姐表示能与超班的男对手黄秋生和谢君豪合作令她很开心，更点名指谢君豪令自己有压力：“近呢10年都未遇过超班嘅男对手！我开头从来未见过谢君豪，所以初头未开工我都几担心我哋嘅默契。”但开机未几就发现二人的演出方法都很相似，一拍即合：“我好多身体语言佢系完全知道，所以系几有火花㗎，我好耐未试过有呢啲感觉喇！成10年都未试过撞到有演员会畀我觉得我唔可以有失手！”

小红姐笑称在这部剧中最大挑战就是饰演一个Madam：“我拍咗200几部戏我系未做过Madam㗎，我只系做过警察。但其实我对警察都好熟悉嘅，因为我系湾仔长大，又被人拉过，又训过臭格几日！”她表示开拍前花了一个星期时间投入角色，大约花了四五天学习说话语气和行为，希望能够让观众一看就觉得她有Madam的感觉。

戏中与多位后辈合作，小红姐大赞他们全部都表现很出色，亦特别点名表扬在戏中与小红姐有多场对手戏的胡子彤、小肥及J.Arie（雷深如）：“我觉得佢哋三个真系好好，佢哋三个算系我喺呢10几年觉得比较好认真同珍惜每个机会嘅演员。同埋佢哋好肯去问，有时唔系话我有几多经验就会去教，你唔问我，我亦唔会专登讲去话你听，但你肯问，我梗系自然肯去讲啦！”