陈绮明充满戏瘾想复出幕前　唔介意被重提拍过三级片往事

陈绮明（Betty）出席网台面包台的周年晚宴，问到她是否会复出幕前，她说：“我之前有同佢哋做过一个访问，依家主要系忙于打理自己嘅活发生意，不过我对拍剧或者拍节目都好有兴趣，例如旅游、饮食、投资等等嘅节目我都想拍，我本身求知欲好强，同埋想带多啲资讯畀大家。”

亚洲小姐出身，拍过剧又拍过电影的她坦言仍然有戏瘾，她说：“非常之有戏瘾呀，我一年前拍过一部内地嘅网剧，喺澳门拍，但系个时间性唔简单，要由朝到晚stand by，我要重新适应过，初初都吃不消，好唔惯。”

由于她现在主力做生意，拍戏的时间安排好重要：“之前拍网剧拍10日戏不过要签个几月约，绑住咗，希望之后再拍嘢喺时间方面大家可以配合到。我要锻练返自己𠮶种专业精神，依家算系玩票性质，但都要好认真同好专业咁去做，好佩服𠮶啲多栖嘅艺人。”

提到她以前曾经拍过三级片，问到她可会介意外界旧事重提，她说：“唔系好介意，因为系事实嚟，同埋当时嘅尺度同依家相差好远，我有啲性感镜头都系用替身嘅。依家睇啲IG同facebook啲女仔影啲相仲性感，我𠮶啲好小儿科咋，我比起依家新一代系偏保守嘅。”